உளுந்து சட்னி செய்வது எப்படி?


உளுந்து சட்னி செய்ய தேவையான பொருட்கள்:-

  1. உளுத்தம்பருப்பு – அரை டம்பளர்
  2. தேங்காய் துருவல் – சிறிதளவு
  3. காய்ந்த மிளகாய் – 2
  4. புளி – சிறிதளவு
  5. உப்பு – தேவையான அளவு

உளுந்து சட்னி செய்முறை:

உளுந்து சட்னி அரைப்பது எப்படி? ஸ்டேப்: 1

முதலில் அடுப்பில் ஒரு கடாய் வைத்து அவற்றில் சிறிதளவு எண்ணெய் ஊற்றி எண்ணெய் சூடேறியதும், அவற்றில் அரை டம்ளர் வெள்ளை உளுந்து சேர்த்து நன்றாக பொன்னிறமாக வறுத்து கொள்ளவும்.

உளுந்து சட்னி அரைப்பது எப்படி? ஸ்டேப்: 2

பின் அதனுடன் இரண்டு காய்ந்த மிளகாய், சிறிதளவு தேங்காய் துருவல், சிறிதளவு புளி ஆகியவற்றை சேர்த்து வதக்க வேண்டும்.

பின் அடுப்பில் இருந்து இறக்கி தேவையான அளவு உப்பு சேர்த்து மிக்சியில் மைபோல் அரைக்க வேண்டும்.

உளுந்து சட்னி அரைப்பது எப்படி? ஸ்டேப்: 3

பின்பு கடுகு, உளுத்தம்பருப்பு மற்றும் கருவேப்பிலை சேர்த்து தாளித்து, அரைத்த சட்னியுடன் கலந்து அனைவருக்கும் பரிமாறவும்.

இது இட்லி தோசைக்கு ஏற்ற சட்னி வகைகள் என்பதால் வீட்டில் உள்ளவர்கள் இந்த சட்னியை கொஞ்சம் கூட மிச்சம் வைக்கமாட்டார்கள்.

 

நன்றி : பொதுநலம் இணையம்



Leave a Reply

Your email address will not be published. Required fields are marked *