315 ஓட்டங்களை குவித்த பாகிஸ்தான்.


பங்களாதேஷ் அணிக்கு எதிரான போட்டியில் பாகிஸ்தான் அணி 315 ஓட்டங்களை குவித்துள்ளது.

ஐ.சி.சி. 12 ஆவது உலகக் கிண்ணத் தொடரின் 43 ஆவது போட்டி சர்ப்ராஸ் அஹமட் தலைமையிலான பாகிஸ்தான் மற்றும் மோர்த்ரசா தலைமையிலான பங்களாதேஷ் அணிகளுக்கிடையே இன்று மாலை 3.00 மணிக்கு லண்டன் லோர்ட்ஸ் மைதானத்தில் ஆரம்பமானது.

இப் போட்டியில் நாணய சுழற்சியில் வெற்றிபெற்ற பாகிஸ்தான் அணி முதலில் துடுப்பெடுத்தாடி நிர்ணியிக்கப்பட்ட 50 ஓவர்கள் முடிவில் 9 விக்கெட்டுக்களை இழந்து 315 ஓட்டங்களை குவித்தது.

பாகிஸ்தான் அணி சார்பில் பக்கர் ஜமான் 13 (31) ஓட்டத்துடனும், இமாம் உல்ஹக் 100 (100) ஓட்டத்துடனும், பாபர் அசாம் 96 (98) ஓட்டத்துடனும், மொஹமட் ஹப்பீஸ் 27 (25) ஓட்டத்துடனும், ஹரிஸ் சோஹைல் 6 (6) ஓட்டத்துடனும், வஹாப் ரியாஸ் 2 (4) ஓட்டத்துடனும், ஷெடப் கான் ஒரு ஓட்டத்துடனும் இமாட் வசிம் 43 (26) ஓட்டத்துடனும், அமீர் 8 (6) ஓட்டத்துடனும் ஆட்டமிழந்ததுடன் ஆடுகளத்தில் சர்ப்ராஸ் அஹமட் ஒரு ஓட்டத்துடனும் ஷாஹீன் அப்ரிடி எதுவித ஓட்டமின்றியும் ஆட்டமிழக்காதிருந்தனர்.

பந்து வீச்சில் பங்களாதேஷ் அணி சார்பில் முஸ்தாபிசுர் ரஹ்மான் 5 விக்கெட்டுக்களையும் மொஹமட் சைபுதீன் 3 விக்கெட்டுக்களையும் மெய்டி ஹாசான் ஆகியோர் தலா ஒவ்வொரு விக்கெட்டுக்களையும் கைப்பற்றினர்.

நன்றி-J Anojan



Leave a Reply

Your email address will not be published. Required fields are marked *