திருப்பதி கோவிலில் காணிக்கை செலுத்தப்பட்ட முடி ஏலம்! ரூ.10.5 கோடிக்கு விற்பனை!


திருப்பதி ஏழுமலையான் கோவிலில் பக்தர்கள் செலுத்திய காணிக்கை முடி, ஆன்லைன் மூலம் ஏலம் விடப்பட்டதில் பத்தரை கோடி ரூபாய்க்கு வருமானம் கிடைத்துள்ளது.

திருப்பதியில் பிரசத்திப்பெற்ற ஏழுமலையான் கோவிலுக்கு சென்று தரிசனம் செய்தால் நினைத்த காரியம் நடக்கும், வாழ்வில் திருப்புமுனை வரும் என்று கூறப்படுவதுண்டு. இதையே திருப்பதி போனால் திருப்பம் என்பார்கள். அவ்வாறு திருப்பதி கோவிலுக்கு வரும் பெரும்பாலான பக்தர்கள் தாங்கள் நினைத்த காரியம் நிறைவேற, முடிகளை காணிக்கை செலுத்துவார்கள்.

இந்நிலையில், திருப்பதி கோவிலில் பக்தர்கள் செலுத்திய முடிகளை ஏலம் விட தேவஸ்தானம் முடிவு செய்தது. அதன்படி, சுமார் 8,200 கிலோ முடிகளை ஆன்லைன் மூலம் ஏலம் விடப்பட்டது. முன்னதாக, முடிகளை ஐந்து வித ரகமாக தேவஸ்தானத்தில் வைத்து பிரித்து எடுக்கப்பட்டது.

இவ்வாறு 8,200 கிலோ முடியை ஏலம் விடப்பட்டதன் மூலம், தேவஸ்தானத்துக்கு பத்தரை கோடி ரூபாய் வருமானம் கிடைத்துள்ளது.
நன்றி : சமயம் இணையம்


Leave a Reply

Your email address will not be published. Required fields are marked *